Isang pag-aaral ukol sa kamulatan sa pulitika ng mga mag-aaral sa Unibersidad ng Pilipinas-Manila at ang mga relatibong epekto ng kulturang popular dito

Abstract

Bilang estudyante, tama lamang na sa mala-pyudal at mala-kolonyal na lipunang mayroon tayo ay makipag-ugnayan tayo sa mas malawak na masa. Sa bahaging iyon ay kailangan natin ng pagkakaisa, lalo na sa mga naaping sektor. Ayon kay Dr. Ed Villegas, sa isang interbyu na isinagawa noong 2002 ng isang mag-aaral sa Unibersidad ng pilipinas, uang mga estudyante ay may panahong mag-aral (ukol sa pulitika” at saka magmulat, ipaliwanag kung bakit ganoon ang society, saka yung mga posisyon ng mga uri". Alam din natin na nagkalat na ang mga salik na pwedeng magpaiba ng atensyon ng mag-aaral. Ito ay ang mga pang-aliw na dulot ng kulturang popular. Marami nang pwedeng pagkaabalahan ang mga mag-aaral bukod sa usaping pulitika. Dahil dito minarapat ng mananaliksik na silipin ang kalagayan ng kamulatan sa pulitika ng mga mag-aaral at ang mga relatibong epekto ng kulturang popular dito. Nilalayon ng pananaliksik na ito na maiparating sa mga mag-aaral ang kahalagahan nila sa lipunan, ang kanilang papel dito at kung paano nila mabisang magagampanan ito.