Ang Tradisyong Sanghiyang sa Mendez, Cavite Batay sa Pananaw ng mga Barko Nito

Abstract

Ang Sanghiyang ay isang ritwal sa Mendez, Cavite na hinahabi ng iba't ibang pananaw ng mga taong nakaranas na sa pagdiriwang na ito. Kasama sa ritwal na ito ang pagtawag sa mga santo at sa mga kaluluwa at higit sa lahat ay sa kapangyarihan ng Diyos. Ang pangunahing suliranin ng pag-aaral na ito ay nakadanatay sa katanungang "Ano ang tradisyong Sanghiyang sa Mendez, Cavite batay sa mga 'barko' o mga taong nagsasagawa nito?" Ang layunin nito ay matugunan ang nasabing suliranin. Kasama rin dito ang pag-alam sa kabuuang pagdiriwang ng ritwal at ang mga suliraning nakapaloob sa pag-iral nito bilang isang tradisyon. Sa pagsagot sa suliraning ito ng pag-aaral, gumamit ng descriptive research design, non-probability sampling, qualitative research, thematic analysis, at ang mga ito ay batay sa mga panayam na ginawa. Ginamitan ito ng grounded theory approach. Ang mga pananaw ng mga tao sa Sanghiyang ay nakaukol sa Diyos bilang sentro ng buhay at dapat pag-ukulan ng pananampalataya. Ang pananampalatayang ito ay nabibigyang-manipestayon sa pamamagitan ng pagiral ng nasabing ritwal. Gayundin ang Sanghiyang ay patunay din ng mataas na pagpapahalaga nila sa buhay. Lumalabas din na ito ay isang paraan ng mga tao upang makipag-ugnayan sa mga nasa espiritwal na mundo. Ang 'barko' sa Sanghiyang ay may napakahalagang papel sa pag-iral ng trndisyong ito na may kaugnayan din sa tradisyong babaylan.