Isang Pag-aaral ukol sa Pulitikal na Ekonomiya ng Pamimirata sa Quiapo at Divisoria

Abstract

Ang pag-aaral na ito na pinamagatang “Isang Pag-aaral sa Pulitikal na Ekonomiya ng Pamimirata”, ay tumatalakay sa iba’t ibang ruga suliraning nararanasan ng ating lipunan na may kaugnayan sa pulitikal at ekonomikong aspeto ng ating bansa. Tinatalakay dito ang iba’t ibang mga usapin o isyu sa bansa na siyang nagbubunsod sa isyu ng pamimirata. Binibigyang pansin dito ang kundisyon ng pamumuhay ng mga mahihirap na pumapasok sa industriya ng pamimirata. Tinatalakay dito ang ang labis na kahirapan ng mga mamamayan na siyang pangunahing dahilan na nagtutulak sa kanila sa landas ng iligal na industriyang ito ng pamimirata. Tinatalakay din dito ang usapin ng pagbibigay proteksyon ng pamahalaan sa interes ng mga naghaharing-uri. Tinatalakay dito kung paanong gumagawa ng mga polisiya at iba’t ibang desisyon ang pamahalaan na aayon sa kanilang interes. Ipinapakita dito kung paano nilang isinasantabi ang mga hinaing at pangangailangan ng mga mahihirap. Ang pagkukulang na ito ng pamahalaan sa pagbibigay pansin sa mga masa ang siya namang mas nagpapalala sa kundisyon ng mga mahihirap na ito. Sa kabuuan, ang saklaw ng pag-aaral na ito sa pulitikal na ekonomiya ng pamimirata ay ang kundisyon ng pamumuhay ng mga mahihirap kung saan binibigyang empasis ang impluwensiya ng pulitikal at ekonomikong kundisyon ng lipunan sa kanilang estado sa buhay. Tinitignan nito ang pinakaugat ng suliranin ng pamimirata sa perspektibo ng mga mahihirap at ang mga posibleng pagbabagong maaaring gawin sa sistema upang paunlarin ang kabuhayan ng mga namimiratang biktima ng kahirapan.