Isang pag-aaral sa pakikibaka ng Digitel Employees Union (DEU) laban sa pagtutulak ng Digitel/PLDT ng kontraktwalisasyon.

Abstract

Laganap ang kontratwalisasyon sapagkat isa itong uri ng paggawa na mayroong malaking pakinabang sa mga namumuhunan at kapitalista. Napapalaki nito ang tubo ng kompanya mula sa natitipid mula sa produksyon at kung hindi man tuluyang naabandona, ay napaliliit nito ang obligasyon ng mga employer sa kaniyang mga manggagawa.

Ang pag-aaral na ito ay tatalakay sa karanasan ng Digitel Employees Union (DEU) at ang kanilang naging pakikibaka sa pagtutulak ng Digitel/PLDT ng kontraktwalisasyon. Sakop nito ang kasaysayan na siyang magpapaunawa sa mambabasa kung paanong nag-ugat at nagkaroon ng kaganapan sa unyon ang iskemang nagdadamot sa isang manggagawa ng seguridad sa trabaho.