Aksyon o krapsyon? Ang kalagayan ng human trafficking sa Pilipinas at ang epekto ng korapsyon sa POEA sa paglala ng human trafficking sa bansa.

Abstract

Ang human trafficking, ang ilegal na kalakalan ng tao para sa forced labor at slavery, debt bondage, o kaya ay sexual exploitation, ay nanatiling problema sa buong mundo kasama na ang Pilipinas (humantrafficking.org, 2012). Dahil sa taas ng bilang ng mga kaso ng human trafficking sa Pilipinas at sa baba ng mga paghatol sa mga kasong naisampa, nagkakaroon ng pagdududa kung naging epektibo ba ang batas na naglalayong labanan at mapigilan ang paglala ng human trafficking sa bansa. Ang R.A. 9208 o Anti-Trafficking in Persons Act of 2003 ay ipinasa noong Mayo 2003 at ginawa upang malabanan ang human trafficking. Nagsisilbing tugon ito sa problemang hindi lang problema sa Pilipinas kundi sa buong mundo. Sa pagkakabuo ng batas na ito, nabuo din ang isang ahensya na inatasang magpatupad nito, ang Inter-Agency Council against Trafficking. Ang ahensyang ito ay binubuo ng mga ahensya mula sa gobyerno at tatlong kinatawan mula sa mga NGOs kung saan may isang kinatawan mula sa kababaihan, migrante at kabataan.