Isang Etnograpiyang Pananalisik sa Pananaw ng mga Ayta sa Botolan, Zambales sa pagiging Bakla o Tomboy ng Kapwa Ayta

Abstract

Ang pag-aaral na ito tungkol sa pananaw ng mga aeta sa kapwa nila aeta na bakla at tomboy ay ginanap sa Brgy. Loob Bunga, Botolan, Zambales. Ang mananaliksik ay gumamit ng qualitative na paraan ng pananaliksik at nagsagawa ng interbyu sa labing limang (15) kalahok upang makakuha ng sapat na datos para makagawa ng isang detalyado at kumprehensibong paglalarawan sa pananaw sa mga bakla at tomboy na aeta. Matapos makuha at maanalisa ang mga datos, naging malinaw na ang mga bakla at tomboy ay tanggap sa lipunan o komunidad ng mga aeta. Nasabing tanggap ang mga bakla at tomboy na aeta dahil hindi sila kinukutya o dinidiskrimina at sila ay tinuturing na kapareho ng kanilang kapwa aeta. Nalaman din na walang kinalaman ang edad o kasarian sa pagtanggap ng nasabing paksa. Para sa mga susunod na magsasagawa ng pananaliksik, ipinapayo na magkaroon ng pagaaral tungkol sa pananaw ng mga hindi kabilang sa komunidad ng mga aeta.