Isang Kritikal na Pag-aaral sa Epekto ng Pagbabago ng Pampublikong Pamilihan ng Lungsod ng Pasig

Abstract

Tuloy-tuloy ang pagmomodemisa ng buong mundo, at ito ay dahil sa patuloy ding pag-unlad ng teknolohiya. Upang makasabay sa modemisasyon, maging ang pisikal na kalagayan ng mga lugar ay binabago. Nakatuon ang pag-aaral na ito sa pagbabagong ginawa sa isa sa mga pinakamahalagang imprastraktura ng Lungsod ng Pasig, ang pampublikong pamilihan. Nais ng mga opisyal ng lokal na pamahalaan na itulad ang pinakamalaking palengke ng Pasig sa isang mall. Layunin ng pag-aaral na ito na suriin kung ang pagbabagong ito sa isa sa mga bumubuhay sa ekonomiya ng lungsod ay nakabuti o hindi sa mga mamamayan ng Pasig. Tutukuyin ang kabuuang epekto ng pagbabago sa mga mamimili at mga nagtitinda. Mahalagang pag-aralan ang pagbabago sa imprastraktura at patakaran sa loob ng palengke upang ikonsiderang muli ng mga opisyal ng Lungsod ng Pasig kung ang mga ito ba ay nakatulong o nakasama pa sa sosyo-ekonomikong kalagayan ng mga mamamayan. Upang magkaroon ng kongkretong resulta, nagsagawa ang mananaliksik ng sarbey sa mga mamimili at interbyu sa mga nagtitinda. Sa pamamagitan nito, nalantad ang naging kabuuang epekto ng pagbabago sa pampublikong pamilihan sa mga mamimili at nagtitinda. Sa huli, nailantad ng pag-aaral na ito na hindi mabuti ang kabuuang epekto ng pagbabago ng palengke ng Pasig sa mga mamamayan lalo na para sa mga nagtitinda. Sa halip na makabuti ito upang umunlad ang kanilang kalagayan, nakasama pa ito sa kanilang kabuhayan.