Isang Pag-aaral sa Kalagayan ng mga Katutubong Mangyan Alangan sa Naujan, Oriental Mindoro

Abstract

Ang pakikibaka ng mga katutubong mamamayan sa ating bansa para sa sariling pagpapasiya o self-determination ay nananatili pa ring nakalutang sa atmospera ng kasalukuyang sistema at kalagayan ng lipunan. Sa tesis na ito tinatalakay ang kalagayan ng isang partikular na tribu sa bayan ng Naujan, Oriental Mindoro. Makikita na isa sa mga dahilan ng patuloy na paghihirap ng mga katutubong mamamayan katulad ng mga Alangan sa Naujan, ay dahilan na rin sa mga polisiya at programang ipinatutupad ng pamahalaan, gayundin ang kakulangan ng suporta mula sa kinauukulan. Hang mga miyembro ng pamayanan ng mga katutubo sa lugar ang nakapanayam at nakapagbigay ng mahahalagang punto sa pag-aaral na ito gayundin sa pagtalakay ng mga isyu', partikular ang mga suliraning kinahaharap ng mga ito at ang mga serbisyong natatanggap nila mula sa pamahalaan gayundin sa mga NGOs na tumutulong sa mga ito. Ang labang ito para sa karapatang ipinagkakait sa kanila bilang mga katutubong mamamayan ay isa sa mga pinakasensitibong isyu sa kasalukuyan. Mayroon silang pantay na karapatan na katulad ng mga pangkaraniwang mamamayan ng bansa na nararapat lamang na irespeto ng lahat at bigyang pansin ng pamahalaan.