ABSENT SI MA'AM: Ang Politikal na Ekonomiya ng Teacher Migration Mga Sanhi at Epekto nito

Abstract

Sa kasalukyan, dumaranas ang mga pampublikong paaralan sa ating bansa ng kawalan ng mga mahuhusay na guro. Isa sa mga itinuturong dahilan ay ang patuloy na pag-alis ng mga Pilipinong guro upaiig magtrabaho sa ibang bansa, kapalit ng mas maunlad na pamumuhay. Sa pag-aaral na ito napatunayan na ang pinag-uugatan ng patuloy na migrasyon ng mga pampublikong guro patungong ibang bansa ay ang mababa at di-sapat na sweldong tinatanggap mula sa ating pamahalaan. Gayundin ang kawalan ng aksyon ng ating pamahalaan upang tugunan ang mga problemang ito ay klarong pagpapakita ng pagsuporta nito sa pag-eeksport ng mga mahuhusay na guro sa mga dayuhang bansa. Dahil dito, malinaw na nangangailangan na ng ganap na pagbabago sa sistemang nagluluwal ng ganitong mga suliranin. Upang maisakatuparan ito'y kinakailangang baguhin ang sistemang pang-ekonomiya ng ating bansa at lansagin ang mga relasyong nananaig sa loob ng sistemang ito.