Isang Etnograpikong Pag-aaral Ukol sa Katayuan ng mga Matatandang Dalaga sa Janopol Oriental, Tanauan, Batangas

Abstract

Ito ay isang pag-aaral tungkol sa mga matatandang dalaga mula sa Janopol Oriental, Tanauan, Batangas. Sa haba ng panahong lumipas, ang mga matatandang dalaga ay binibigyan ng negatibong pagkilala at pagturing tulad ng pagiging “mahihigpit, masusungit, maiinggiting mga babae na galit sa mga lalaki” (Santos, 1979). Ito ay sa dahilang ang mga matatandang dalaga ay hindi nakatugon sa atas ng lipunan sa mga babae na mag-asawa at maging ina. Dahil dito, pinaniniwalaan na sila ay mayroong kakulangan sa kanilang pagkatao na dahilan naman upang kabitan sila ng iba’t ibang negatibong taguri subalit makatarungan ba ito para sa kanila? Ang pag-aaral na ito ay ginanap upang alamin kung ano ang katayuan at pagtingin ng ng mga taga-Janopol Oriental, Tanauan, Batangas sa mga matatandang dalaga at may pangunahing layunin na alamin kung ano o paano ang pagkakilala sa mga matatandang dalaga ng kanilang kapwa kung ang pagbabatayan ay ang kanilang pisikal na anyo, mga gawain, pakikisalamuha sa kapwa at pakikisama sa kanilang pamilya. Mahalaga ang pag-aaral na ito sapagkat makakapagdulot ito ng mga bagong kaalaman tungkol sa mga matatandang dalaga at makakapagpamulat sa mga katangian ng mga matatandang dalaga na kadalasang ipinagwawalang-bahala dahil natatabunan ng mga negatibong pananaw tungkol sa kanila. Ang pag-aaral na ito ay ginanap sa barangay ng Janopol Oriental, Tanauan, Batangas kung saan ang mga taga-roon ay tinatawag na Tagalog, maging ang kultura ay kilala rin bilang kulturang Tagalog. Isang etnograpikong pag-aaral ang ginanap sa naturang lugar kung saan ito ay ginamitan ng tatlong pamamaraan ng pagkalap ng mga kaalaman tungkol sa mga matatandang dalaga. Anim na focus group discussions (FGD) ang ginanap: isa para sa mga kabataang lalaki na may gulang na 16 hanggang 25, kung saan ang kanilang katayuang pang-ekonomiko at antas ng edukasyong naabot ay hindi binigyan ng pansin o pagpapahalaga subalit kailangang sila ay wala pang asawa;, isa para sa mga kabataang babae na may gulang na 16 hanggang 25, kung saan ang kanilang katayuang pang-ekonomiko at antas ng edukasyong naabot ay hindi binigyang pansin o pagpapahalaga subalit kailangang sila ay wala pang asawa; isa para sa mga kalalakihang may gulang na 35 hanggang 50, may asawa at anak, at ang kanilang katavuang pangekonomiko at antas ng edukasyong naabot ay hindi binigyan ng pansin o pagpapahalaga; isa para sa mga kababaihang may gulang na 35 hanggang 50, may asawa at anak, at ang ang kanilang katayuang pang-ekonomiko at antas ng edukasyong naabot ay hindi binigyang pansin o pagpapahalaga; isa para sa mga matatandang lalaki na may gulang na 51 pataas, may asawa at anak, at hindi binigyang pansin o pagpapahalaga ang kanilang katayuang pang-ekonomiko at antas ng edukasyong naabot. at isa para sa mga matatandang babae na may gulang na 51 pataas, may asawa at anak, at hindi binigyang pansin o pagpapahala ang kanilang katayuang pang-ekonomiko at antas ng edukasyong naabot, upang tukuyin kung ano at paano kinikilala ng mga tao sa naturang lugar ang mga matatandang dalaga na ang batayan ay ang pagtingin nila o pagkilala sa mga matatandang dalaga kung kanilang itutuon ang kanilang pansin sa panlabas na anyo, pagkilos, mga gawain, pinagkakaabalahan o hanap-buhay, pakikisalamuha sa kapwa, pagiging mamamayan sa kanilang lugar at relasyon sa kanilang pamilya. Mayroon ring ginanap na pakikipanayam sa ilang piling matatandang dalaga at panayam sa isang malapit na kamag-anak ng mga matatandang dalaga. Ang mga pamamaraang ito ay sinuportahan ng obserbasyon na napakahalaga upang matunghayan ang mga tunay na pangyayari sa naturang lugar ng pag-aaral. Napag-alaman sa pag-aaral na ito na halos wala pa ring pinagbago ang mga tao sa pagilala o pagturing sa mga matatandang dalaga bilang masusungit, maiinitin ang ulo, matampuhin at iba pa. Napag-alaman rin na marami pa rin ang ilag sa mga matatandang dalaga sa pangambang mapagbuntunan ng kasungitan nito. Sa kasamaang palad, ito ang nagiging hadlang upang makilala nang lubos ang mga bawat matandang dalaga sa lipunan.