Abstract:
Ang kontraktwalisasyon ay ginamit na instrumento ng mga kapitalista upang magkamal ng yaman. Sa paraang ito napagsasamantalhan ang uring manggagawa dahil nakaiiwas ang mga namumuhunan na bigyan sila ng tamang sahod at benepisyo. Pero sa kakulangan ng trabaho maraming Pilipino ang kumakapit sa patalim at pumapayag sa ganitong sistema ng pagsasamantala.
Taong 2006 idineklara si Henry Sy na pinakamayamang tao sa Pilipinas ng Forbes Magazine. Kung sa ilalim ng SM ay yumaman si Henry Sy, totoo rin ba ito para sa mga manggagawa nito? Umuunlad ba ang mga empleyado ng SM o ang mga opisyal at nagmamay-ari lamang nito ang yumayaman? Ano ang kalagayan at kinabukasan ng mga manggagawa ng SM?
Layunin ng pag-aaral na ito na ipakita ang kalagayan ng mga manggagawa sa SM North at SM Fairview. Nais ng pag-aaral na patunayang ang sistemang kontraktwalisasyon, partikular sa ilalim ng SM, ay hindi sapat para tugunan ang mga pangagailangan ng mga manggagawa at lumulupig sa kanilang karapatan.
