Tulong: isang interpretibong pagsasaliksik ng katiwaliang makikita sa disaster relief at post-disaster recovery

Abstract

Layunin ng pag-aaral na alamin ang perception ng mga nasalanta ng isang sakuna sa katiwaliang nagaganap sa pamamahagi ng tulong at ng mga pangunahing pangangailangan. Layunin din ng pag-aaral na malaman ang ilan sa mga dahilan kung bakit ito nangyayari sa kontexto ng kultura. Nakita sa pag-aaral na pangkaraniwan ang paniniwala na makatutulong ang pagkakaroon ng malawak na solidarity network sa oras ng kagipitan, tulad ng sakuna. Nakita sa pag-aaral na may matibay na ugnayan ang paniniwala na makatutulong kung malapit ang isang nasalanta sa isang taong namamahagi ng relief goods, sa paniniwala na ang mga taong malapit sa namamahagi ng tulong ang unang nabibigyan ng relief goods. Nakita rin sa pag-aaral ang malaking epekto ng ating pagpapahalaga sa solidarity networks sa pagkukubli ng katiwalian. Pinahahalagahan ng mga tao ang kanilang solidarity networks dahil hindi kaya ng pamahalaan na ibigay ang kaukulang serbisyo na kailangan nila. Sa pamamagitan ng solidarity networks, nakukuha nang isang tao ang kaniyang mga pangangailang.