Ilaw Lamang ng Tahanan: Ang pagpapanatili ng Pantawid Pamilyang Pilipino Program (4PS) sa esteriotipikong papel ng kababaihan

Abstract

Pintumpong porsyento ang nirerepresenta ng kababaihan sa kabuuang kahirapan ng mundo at dahil dito, masasabing ang kahirapan ay may mukha ng kababaihan. Bunsod ng responsibilidad sa pagtupad sa Millennium Development Goal 2015 ng United Nations, nabuo ang programang Pantawid Pamilyang Pilipino Program o 4Ps upang maisakatuparan ang mga layunin nito sa ating bansa. Sa pamamagitan ng mga nakalap na datos sa survey, focus group discussions at key informant interviews, napag-alaman ko na habang nilalayon ng 4Ps puksain ang kahirapan, napapanatili nito at napapatatag ang 'di pagkakapantay sa kasarian sa pamamagitan ng pagsandig sa esteriotipikong papel ng mga kababaihan.