"Sa Likod ng Mainit na Kape” Isang Pag-aaral sa Kasalukuyang Kalagayan ng mga Magsasaka sa Industriya ng Kape sa Amadeo, Cavite

Abstract

Marahil umiinom tayo ng kape nang tatlong beses o higit pa sa isang araw ngunit hindi natin alam ang mga tunay na pangyayari sa likod ng masarap na inuming ito. Sapagkat ito ay tinaguriang "brown gold" ito ay isa sa pinakamahalagang merkado at produkto. Ito ang nakapukaw sa mananaliksik upang pag-aralan ang paksang ito at masuri ang mga suliraning kinakaharap ng industriya ng kape lalung-lalo na ng mga magsasaka ng kape sa Amadeo, Cavite. Ang pag-aaral na ito ay “quantitative" at gumamit ng sarbey at pakikipanayam sa limampung magsasaka sa bayan ng Amadeo, lalawigan ng Cavite. Ang iba pang impormasyon at datos ay nakalap mula sa mga aklatan ng Uniberisdad ng Pilipinas at ilang tanggapan ng lalawigan ng Cavite. Mahalaga ang pag-aaral na ito upang mailarawan at maipaabot ang mga suliraning kinakaharap ng mga magsasaka dulot ng liberalisasyon ng kalakalan.